رواية خدعه مقربه بقلم هاجر العفيفي حصريه وجديده وكامله جميع الفصول
 |
بتحبها ازاى انت اتجننت
قالتها خديجه بصوت عالى وصدمه
يونس بتوتر وضيق : اتجننت عشان بحب بجد عايزانى طول العمر متجوز بالغصب وخلاص
سمعته رقيه وكانت شايله الصنيه ووقعت منها
يونس اتخض من الصوت ودخل يجرى بسرعه يشوف مالها وشافها واقفه مصدومه والكوبيات على الأرض متكسره
يونس بخوف : مالك فيكى حاجه وايه ال وقع الحاجه دي كده
رقيه ضحكت بسخريه على خوفه المزيف وقالت : متخافش بخير مفيش حاجه
يونس بتوتر من أنها تكون سمعت حاجه قال : ا ايه ال حصل خلاكي توقعي الصنيه كده
رقيه وهى داخله المطبخ قالت : مفيش عادي حصل خير
يونس استغرب ردها وخرج الصاله وكانت والدته مكانها
خديجه : مراتك حصلها حاجه
يونس : لاء بس انا خايف تكون سمعت حاجه
خديجه بسخريه : خايف ليه بقا مش انت عايز تخلص منها عشان ست بسنت بتاعتك دي
يونس بنرفزه : أمى بعد إذنك اقفلى على الموضوع ده دلوقتي عشان ميحصلش مشاكل
خديجه بامتعاض : ماشى بس اعمل حسابك ال فى دماغك مش هيحصل انا قولت اهو ولو خسرت رقيه يبقا خسرتنى انا كمان
يونس سكت وخديجه قالت كلامها وخرجت من الشقه
رقيه خرجت من المطبخ وقالت : هى طنط مشيت بسرعه ليه
يونس : عادي
رقيه : تمام تصبح على خير
يونس بسرعه : مش هنسهر شويه
رقيه بسماجه : لاء تعبانه وعايزه انام عن أذنك
قالت كلامها ودخلت الأوضه وهو بصلها بغيظ من برودها
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
تاني يوم
رقيه صحيت من النوم عملت الفطار وجهزته على السفره ودخلت الأوضه تاني ويونس صحى واستغرب إنها مش مستنياه زي العاده بس شك إنها سمعته وحب يتأكد خبط على باب اوضتها مسمعش رد فتح الباب وشافها بتصلى بس ال واضح انها كانت بتعيط وهى ساجده حزن عشانها وقعد على الكرسى يستعملها
بعد وقت خلصت وقالت أذكار بعد الصلاه
(ملحوظه يابنات اهم حاجه بعد لما بنخلص صلاه بنفضل فى نفس مكان الصلاه ومبنقومش بسرعه لأن بيستغفر لينا الملائكه وكمان اهم حاجه أذكار بعد الصلاه متنسوش )
رقيه خلصت وقامت قعدت قدام يونس وقالت : خير
يونس : زعلانه من امبارح ليه
رقيه ببرود : وهزعل ليه يعني انت عملت حاجه تزعلنى
يونس بتوتر : انتى سمعتى صح
رقيه دموعها اتجمعت وبصتله بعتاب ومردتش
يونس بتنهيده : رقيه عشان خاطرى بلاش النظره دي وبلاش السكوت بيقت*لنى
رقيه بدموع : بتحب أختى وعايزنى اكون كويسه
يونس بتوتر : غصب عنى والله عارف ان مليش الحق ان اتكلم فى الموضوع ده بس انا
قاطعته رقيه وبصتله بجمود وقالت : طلقنى يايونس
يونس بصدمه : اييييييه !!!
رقيه وقفت وقالت : ال سمعته انا مش عايزه اعيش معاك تانى
يونس بغضب : رقيه احنا ملناش دعوه بال حصل الواقع أن اتجوزتك انتي مش هيا بلاش تكبرى الموضوع
رقيه بصت فى عيونه وقالت : وده يعطيك الحق ان بعد لما تتجوزتنى تكلمها برضوا
يونس اتصدم أنها عارفه بس قاطعهم صوت جرس الباب يونس قام عشان يفتح واتصدم لما شاف بسنت
بسنت بمرح : زوج أختى العزيز اومال فين روكا
رقيه بجمود : اطلعى بره
الاتنين اتصدموا من كلامها
شكرا على التفاعل يابنات❤️ البارت الثاني
رقيه بجمود : اطلعى بررره
بسنت ويونس اتصدموا
يونس بغضب : رقيه بتقولى ايه !!!!
بسنت بصدمه : اطلع بره ؟؟!!!!
رقيه بإنفعال : لو مطلعتيش بره انا ال هطلع ومش هتعرفوا مكاني تاني انا مش هقبل انك تدخلى بيتى تاني انتي واحده خاينه
بسنت بتوتر : ا افهمى بس انا
قاطعتها رقيه وقالت بغضب : مش عايزه افهم منك حاجه خلااااص ياريت بقا الموضوع يخلص على كده
بسنت خافت من رقيه وخرجت من البيت بسرعه
يونس مسك دراع رقيه وقال بحده : البيت ده مش بيتك لوحدك عشان تعملى ال عملتيه ده
بسنت بصتله بوجع وسخريه وقالت : متخافش هسيبه قريب اووى ووقتها هتندم يايونس
شدت أيدها منه ودخلت الأوضه واول مادخلت انفجرت فى البكاء والقوه ال على وشها كلها انهارت
يونس كان بيردد كلامها وندمان على كل ال عمله بس مش عارف يتصرف ازاى طلع تلفونه وقال بحده : عايز اشوفك دلوقتي يابسنت
بسنت بدموع : فين
يونس : فى الكافيه ال بنتقابل فيه
بسنت : تمام
يونس قفل معاها واخد مفاتيحه وخرج من البيت
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
عند رقيه مسكت تلفونها وطلبت رقم والدتها وقالت من بين دموعها : ماما انا محتجاكي جمبى اووى
والدتها بخوف ولهفه : مالك يارقيه يابنتى يونس زعلك فى حاجه
رقيه بشهقات : لما تيجي هفهمك كل حاجه
والدتها : حاضر حاضر مسافة السكه
قفلت معاها وقالت بوجع : يارب مليش غيرك
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
بسنت بصدمه : انت بتقول ايه يايونس عايزنى ابعد عنك
يونس بغضب : بقول ال المفروض يحصل من زمان اووى انتي مش مستوعبه حجم المصيبه ال احنا فيها صح
بسنت بتوتر : ا انت عارف ان كنت بحبك قبل رقيه و
قاطعها يونس وقال بحده : بس بقا كفايه كلام معسول ملوش لازمه انتي عارفه رقيه اتخذلت مننا ازاى !!! انا مش عارف اواجهها ابدا بعد ال حصل
بسنت بتوتر : خلاص سهله طلقها ونتجوز
يونس بصدمه وغضب : نعممممم !!!!!
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
فى البيت عند رقيه
قامت عشان تفتح الباب لوالدتها واول ماشافتها اترمت فى حضنها وعيطت بحرقه
والدتها بخوف : مالك يارقيه يابنتي طمنينى عنك
رقيه بدموع : تعبانه اووى ياماما وقلبى وجعنى اول مره احس الأحساس ده انا حاسه ان ضايعه
والدتها بذهول : لاء فهمينى يابنتي مالك ايه الألغاز ال بتتكلمى بيها دي
رقيه بوجع واتكلمت بصعوبه : يونس بيخو"ني ياماما
والدتها بصدمه : بيخو"نك !!!! مع مين؟؟
رقيه بدموع وتقطيع : مع مع
والدتها : مين انطقى
رقيه غمضت عيونها وقالت : مع بسنت أختى
صمت رهيب كان موجود بس قاطعه صوت القلم ال نزل على وش رقيه
رقيه حطت إيدها على مكان الضربه وقالت : بتضربينى
والدتها بغضب : واموتك كمان انتي اتتجنتى ازاى تقولى على أختك كده
شكرا على التفاعل يابنات❤️ البارت الثالث
يونس وقف بصدمه وغضب وقال : نعممممم !!! انتى مجنونه عايزانى أطلقها واتجوزك انتي اكيد هبت منك على الاخر
بسنت بغضب : بقولك انا ال بحبك رقيه لاء هي اتجوزتك وخلاص صالونات ومكانتش تعرف عنك حاجه لكن انا حبيتك من زمان اووي
يونس بصلها بقر"ف وقال : حقيقي انتى وحده حقيره وانا ندمان أن كنت اعرفك وضيعت رقيه منى بسببك انا مش عايز اشوفك تاني فى اى مكان
بسنت وقفت قدامه وقالت تحدي : بلاش تتحدانى يايونس علشان مقلبش الدنيا عليكم كلكم
يونس زقها ومشى من غير كلام
بسنت بحقد : ماشى يايونس متزعلش بقا من ال هيحصل
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
رقيه بصدمه : بتضر"بينى ياماما
والدتها : وأمو"تك كمان ازاى تقولى كده على أختك
رقيه بدموع : بس دي حقيقه انا شوفتها بعينى و
قاطعتها والدتها وقالت بغضب وعصبيه : اخرررسى مش عايزه اسمع حاجه منك ولو فضلتى تقولى على أختك كده اعتبرى أن امك ما"تت وانسيني
قالت كلامها وخرجت من البيت بأكمله
رقيه قعدت على الأرض بانهيار وقالت بعياط يوجع القلب : حتى انتى كمان وجعتينى انا مش مسمحاكم كلكم ااااااه ياقلبى يارب يارب
فضلت على حالها لحد مافقدت الوعى من كتر العياط
يونس بعد وقت وصل البيت وهو عنده إصرار أن يخليها تسامحه ومش هيدمر البيت بسهوله فتح الباب واتصدم لما شافها واقعه على الأرض ووشها شاحب شحوب المو"تى اتخض وجرى عليها وحاول يفوقها مفاقتش شالها ونزل بسرعه ركب العربيه وطلع على المستشفى وهو هيموت من القلق عليها
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
بسنت بغل : انا لازم ادمرها هي مش هتاخد حب حياتى مني بكل سهوله انا بكر"هها
الشخص بخبث : انا مش عارف انتى بتكر"هيها كده ليه الصراحه
بسنت بحقد : موضوع قديم ومش عايزه افتكره المهم هتساعدنى
الشخص : والمقابل
بسنت : عايز ايه ؟؟
الشخص : عايز أتجوزها
بسنت بغضب : انت كمان
الشخص ببرود : انتى مش ليكى تبعديها عن يونس ملكيش دعوه انتى بقا بال هيحصل
بسنت بتفكير وخبث : موافقه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
الدكتوره خرجت ويونس جرى عليها بخوف : هى كويسه يادكتور
الدكتوره بهدوء : ضغط الدم كان مرتفع جدا وكان هيسبب جل"طه بس الحمد لله قدرنا نلحقها
يونس بصدمه : جل"طه !!!
الدكتوره : ايوه انا عملت اللازم معاها وان شاء الله هتكون كويسه وبخير المهم ابعدوا عنها أي عصبيه وضغط الفتره دى عن أذنك
الدكتوره مشيت ويونس دموعه نزلت بندم وقلبه وجعه عليها وعرف أن هو السبب خبط على الباب ودخل وكانت رقيه نايمه على السرير بتعب يونس قرب منها وقال : حبيبتى انت كويسه
رقيه بتعب : الحمد لله
يونس بتوتر ودموع : انا اسف بالله عليكي سامحيني صدقيني فى حاجات كتير انتي متعرفيهاش والله انا
قاطعته رقيه وقالت : خلاص يايونس انا مش زعلانه
يونس بصدمه وفرحه : يعنى سامحتينى
رقيه هزت راسها بهدوء
يونس بشك من تغيرها المفاجئ : انتي بجد مسمحانى
رقيه : ايوه
قالت كلامها وغمضت عيونها وهى بتفكر فى خطتها ال جايه وبتحاول تستعيد تفكيرها
يونس بقلق قال فى نفسه : مش مرتاح لهدوئك يارقيه حاسس انك بتفكرى فى حاجه
شكرا على التفاعل يابنات❤️ البارت الرابع
يونس بتوتر : عامله ايه دلوقتي
رقيه بهدوء : الحمد لله أحسن
يونس بحزن : مكلمتنيش اول ماتعبتى ليه
رقيه دموعها اتجمعت فى عيونها بس حاولت تبان قويه وقالت : عشان مكنتش عايزه أشغلك وكمان تعبت فجأه
يونس قام من مكانه وقعد جنبها ومسك أيدها وقال : انا اسف ياحبيبتى اسف بجد
رقيه بصتله فى عيونه نظره طويله كلها عتاب وحزن وتحدى وقالت : قولتلك مسمحاك خلاص
يونس بدموع وضعف : عارف ان انتى بتحاولى تنسى بس والله فى حاجات انتي مينفعش تعرفيها عشان لو عرفتيها هتأذيكى نفسيا
رقيه بتنهيده : مبقتش تفرق خلاص
يونس كان بيحاول تغير الجو وقال : اي رأيك نخرج
رقيه : مش قادره حقيقي مره تانيه
يونس بابتسامه : ال يريحك هقوم اعملك حاجه تاكليها
رقيه هزت راسها ومتكلمتش ويونس خرج من الأوضه
رقيه بدموع : اكتر واحد خذلنى بجد
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
والدة رقيه : صحيح ال اختك قالته ده يابسنت
بسنت بتوتر : ق قالت ايه
والدتها : بتقول ان ليكي علا"قه بجوزها وبتكلميه
بسنت بانفعال : دي كدابه عايزه تطلع عليا كلام وخلاص عشان بس هى شكاكه وجوزها مشيوا مش كويس عايزه تلبسها فيا انتى عارفه هى بتكر"هنى ازاى
والدتها : متقلقيش انا وقفت قدمها وقولتلها اختك متعملش كده ابدا هى رقيه كده دماغها خفيفه طول عمرها
بسنت بخبث لأنها أقنعت والدتها : ايوه فعلا يلا بقا هدخل ارتاح شويه
دخلت بسنت وطلعت تلفونها وطلبت رقم الشخص ال متفقه معاه واتكلمت بصوت واطي
بسنت : ها عملت ايه
الشخص : امممم معرفتش اخطفها من المستشفى خالص ال اسمه يونس مسبهاش
بسنت بغضب وهمس : اتصرف انا مش هسيبها تتهنى ابدا
الشخص : الحل عندك انتى
بسنت : ايه هو
الشخص : تروحي تفضحي يونس قدامها على كل حاجه ووقتها هى هتمشى وتسيب البيت والباقي عليا بقا
بسنت : بس يونس ممكن يقلب عليا وقتها
الشخص : بكلمتين منك هيلين تاني ولو شد معاكى هدديه
بسنت : تمام كله هيتنفذ بكره
الشخص بخبث : تمام
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
رقيه كانت بتتكلم فى التلفون وبتقول : محتجاك دلوقتي جمبي والله انا تعبانه
سليم بقلق : طيب طمنينى عليكي انا هرجع مصر بكره متخافيش
رقيه بتنهيده : لما ترجع ياسليم خلى بالك من نفسك
سليم : حاضر ياحبيبتى هجيلك فى أسرع وقت متقلقيش
رقيه بدموع : سلام
قفلت معاه وغمضت عيونها بوجع
يونس سمعها وقبض على أيده بحزن على أنه وصلها للحاله دي هى عمرها ماكانت وحشه معاه ابدا دخل أوضته وقعد على السرير وافتكر اول جوازهم
رقيه بفرحه : عارف يايونس انا فرحانه اووى إن عملت فى شقتنا ركن صلاه هادى وجميل نفسى بقا نجيب اطفال كتير ويحفظوا القرآن وهما صغيرين ونعلمهم علوم شرعيه وسيره نبويه
يونس بضيق : إن شاء الله أنا داخل انام عشان تعبان
رقيه بلهفه : مالك فيك ايه
يونس اتنهد وقال : مفيش يارقيه سبينى على راحتى
قال كلامه وكان لسه هيدخل الاوضه بس وقفه صوتها
رقيه : يونس
يونس : نعم
رقيه بابتسامه : بحبك
رجع من تفكيره ودموعه نزلت على إن خذلها وكسر فرحتها وكان السبب فى انطفاء ضحكتها الجميله فضل على حاله لحد لما نام من كتر التفكير
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
تانى يوم
الباب كان بيخبط قامت رقيه فتحت الباب وكانت بسنت واقفه ببرود
رقيه بغضب : ايه ال جابك هنا تانى ؟؟
بسنت ببرود زقتها ودخلت وقالت : انا اجى وقت مانا عايزه وفى اي وقت
رقيه بعصبيه : انتى مجنونه ولا ايه ايه البجاحه ال عندك دي
بسنت ببرود : والله البجح بجد هو جوزك مش انا
يونس بغضب من خلفها : ايه ال جابك اطلعى بره
بسنت بخبث : تؤ تؤ ليه كده بس ده أنا حتى جايه اهدى النفوس
رقيه وقفت قدامها وقالت بابتسامه واستفزاز : والله النفوس هاديه لوحدها ملكيش انتي دخل بقا جوزى وانا واثقه فيه خلاص
يونس استغرب كلامها واتصدم
بسنت : امممم طب وجوزك بقا حبيبك قالك هو كان متجوزك ليه اصلا
يونس بعصبية وغضب : بسنتتت
بسنت باستفزاز : ايه مالك مش لازم تعرف حقيقتك
رقيه ببرود : قولى ال عندك عشان كده كده مش هيهزنى
بسنت بحقد : انتى عمر ماحد كان بيحبك ابدا كلهم بيحبونى انا وبس ويونس كان بيحبنى انا ولما اتجوزك كان علشان يق"تلك ويخلصنا منك
رقيه بصدمه : يقت"لنى !!!!
يونس كان خلاص هيتجنن قال بغضب جحيمي : دي كداااابه متصدقهاش يارقيه
بسنت ببرود : عيب تقول عليا كده انا معايا الدليل حتى
طلعت تسجيل من شنطتها وكان ليونس
(بقولك مش هينفع النهارده أنفذ عشان هى خرجت وراحت عند امها لاء لاء حادثه لاء انا هتصرف بس بلاش كده)
بسنت بتلاعب : ها مش ده صوتك يا استاذ يونس
يونس كان واقف مصدوم ومش عارف يتكلم ورقيه مكانش باين عليها أي رد فعل
شكرا على التفاعل يابنات❤️ البارت الخامس
يونس بتوتر : ر رقيه متصدقهاش د دى كدابه
بسنت ببرود : لاء مش كدابه وانتي سمعتى بنفسك التسجيل
رقيه بجمود : سبق وقولتلك يابسنت أن اى كلام انتى هتقوليه على يونس مش هصدقه حتى لو معاكي مليون دليل احنا بينا ثقه كبيره مش سهل تتهز ومش انتى ال هتيجي تدمر حياتى بكل سهوله انا عارفه انك بتكر"هينى من زمان اووى أمشى يابسنت وياريت متدخليش البيت ده تانى عشان ال يدخل البيت ده باحترام اهلا وسهلا لكن عشان يهد البيت مسمحش ابدا أن ده يحصل اطلعى بره لتانى مره بطردك من البيت ده
بسنت بعصبيه وغضب : انتى معندكيش كرامه
رقيه بحده مسكت دراعها وقالت : ال معندهاش كرامه بجد هى ال عايزه تاخد جوز اختها برررره والا والله العظيم هطلبلك البوليس دلوقتى
الاتنين كانوا واقفين بيبصوا لبعض بتحدى
يونس كان فرحان جدا من كلام رقيه لكن قلبه وجعه علشان عارف انها موجوعه اووى بس هو قرر ميضيعهاش من ايده
بسنت زقت ايد رقيه وقالت بغضب : ماشى يارقيه ماشى
قالت اخر كلامها وخرجت من البيت
رقيه غمضت عيونها وابتسمت بوجع
يونس قرب منها وحط ايده على كتفها وقال : رقيه
رقيه لفت ليه وقالت بابتسامه : هدخل انام عشان تعبانه شويه بس بكره لينا كلام مع بعض
يونس بتنهيده : تمام بس عايزك تعرفى حاجه مهمه
رقيه باستغراب : ايه هى ؟؟
يونس : والله العظيم انا بحبك ومحبتش حد غيرك يارقيه فى حياتى
رقيه اتصدمت من رده بس حاولت تبان طبيعيه وقالت : تصبح على خير يايونس
قالت كلامها ودخلت الأوضه وهو اتنهد بحزن
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
الشخص بغضب : انتى غبيه وكل حاجه بتبوظيها وهتضيعي مننا كل حاجه
بسنت بعصبيه : متتعصبش عليا كده هى ال عامله فيها مثاليه ومش عايزه تضيع بيتها دي معندناش دم بعد كل ال سمعته متمسكه بيه
الشخص : خلاص قولى لسليم اخوكى
بسنت : أقوله ايه انت مجنون ده لو عرف ال عملته فى رقيه ممكن يقت"لنى انت متعرفش رقيه عنده عامله ازاى وكمان لو عرف انك ليك يد فى الموضوع هيقت"لك انت كمان
الشخص بتوتر : سليم مش هيعمل كده اكيد
بسنت بضحك : مستحيل انت اقرب واحد لسليم يعني لو عرف أن انت ال بتعمل كده فى أخته يبقا الله يرحمك
الشخص ببرود : سيبك من ده كله انا خلاص لقيت حل
بسنت : ايه هو
الشخص : أن اقتل يونس هو بقا خطر علينا
بسنت بغضب : انت مجنون انا اصلا عايزه يونس تق"تله ازاى
الشخص : وهو مش عايزك وممكن يكون سبب دمارك يبقا نخلص منه بقا
بسنت بتفكير : بس ممكن نتكشف
الشخص : لاء متقلقيش هنخليها قضاء وقدر
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
تاني يوم
رقيه : انا حضرت الفطار يلا نفطر وبعدين نتكلم
يونس كان قلقان من كلامها بس هو اقنع نفسه أن مش هيسيبها مهما حصل
خلصوا فطار وقعدوا مع بعض
رقيه بهدوء : انا عارفه ان ال كان فى التسجيل ده كله حقيقي بس مرضيتش افتح حاجه قدامها وقولت لازم أفهم ال حصل منك انت بس ياريت تقول كل الحقيقه
يونس بتنهيده : هقولك كل حاجه بس اوعدينى انك تدينى فرصه ومتسبنيش
رقيه : ده هيكون على حسب صراحتك معايا
يونس : بسنت كانت زميلتى فى الجامعه ولما اتخرجنا كنا لسه على اتصال بس عمرى ماشوفتها غير زميله ليا برضوا لحد لما شوفتك فى يوم معاها ووقتها حاولت انساكى بس برضوا كنت دايما بفكر فيكي قررت اكلم بسنت عشان توصلنى بيكي ساعتها هى حكتلى حاجات عنك كتير وقد ايه انتى ظلمتيها وهى اصلا ناويه تنتقم منك
رقيه : موضوع ايه ال خلاها عايزه تنتقم منى
يونس : هخلص كلامي وبعدين احكيلك
رقيه : تمام كمل
يونس : وقتها جت وعرضت عليا أن اتجوزك واقعد معاكى فتره وبعدين احاول أتخلص منك ولو معملتش كده هى هتبوظ الجوازه وبرضوا هتجوزك لواحد هيعمل معاكى كده
رقيه بدموع : كمل
يونس بوجع : خوفت عليكي عشان كنت عارف ان بسنت مش سهله وهى هتعمل كده لما حكتلى انتي عملتى فيها ايه مصدقتش انا قولت هوافقها فى الكلام وهتجوزك بس انا كنت أن احميكى من شرها وأما كانت بتسألنى عملت ايه كنت بحاول اجاريها لحد لما اجمع عليها دليل واواجهك واعرفك وساعتها انتي تحكمى نقدم الدليل ونحبسها ولا انتى تتصرفى بس برضوا كنت ناوي افضل جمبك بس بسنت هى ال سبقت وسجلت التسجيل ال انتى سمعتيه صدقينى والله كل كلمه بقولها حقيقيه وحصلت بالفعل مكنتش عايز اعرفك حاجه من ده كله عشان متتعبيش بس لما الأمر قفل كده لازم اوضحلك كل حاجه
رقيه : تمام قولى بقا ايه هو الموضوع ال عشانه بسنت أختى بنت امى وابويا تحاول تقت"لنى
يونس : هقولك
ولسه هيكمل كلامه قاطعه صوت جرس الباب قام يفتح وشاف سليم واقف قدامه ال اول لما رقيه شافته جريت عليه واترمت فى حضنه وعيطت بانهيار
يونس : ازيك ياسليم حمد الله على السلامه
سليم بجمود : طلق رقيه ودلوقتى حالا عشان تصرفى معاك مش هيعجبك
يونس بصدمه : أطلقها !!!!!
سليم : انا مش هسيب اختى مع واحد زيك انا عرفت كل حاجه
رقيه : ...........
شكرا على التفاعل يابنات❤️ البارت السادس
سليم بجمود : طلق أختى انا مقبلش إنها تعيش معاك تانى انا عرفت كل حاجه
يونس بصدمه : أطلقها !!!!
رقيه بدموع : سليم ادخل نتكلم الأول
سليم بغضب : عايزانا نتكلم فى ايه بعد لما اجى من السفر واعرف ال حصل ليكي من اقرب الناس
يونس بتوتر : سليم افهم انا
قاطعه سليم بعصبيه وقال : مش عايز افهم حاجه أنا هاخد اختى وامشى بقا دي الأمانة ال عطتهالك قبل ماسافر ووصيتك عليها يلا يا رقيه
يونس برجاء : رقيه عشان خاطرى متمشيش انا فهمتك كل حاجه
سليم بأمر : انا قولت يلا يا رقيه
رقيه كانت واقفه بتبصلهم وسليم بيبصلها بحنان ويونس برجاء عشان متمشيش
رقيه بتنهيده : انا مش هسيب البيت ياسليم
سليم بصدمه وغضب : انتي بتقولى ايه بعد ال عمله فيكي بتكسرى كلامى
رقيه بدموع : يونس مظلوم هو اه كدب عليا بس هو مخا"نيش
يونس ابتسم بفرحه إنها صدقته وإنها بتدافع عنه
سليم ضيق عيونه وقال : ده اخر كلام عندك
رقيه قربت منه واترمت فى حضنه وقالت : لاء مش اخر كلام انا هفهمك كل حاجه ووقتها انت تحكم بعد كده
يونس : ياريت ياسليم
سليم بقلة حيله : تمام بس والله العظيم لو الكلام مدخلش دماغى هاخد رقيه وهمشى ومحدش يعارضنى
يونس بهدوء : تمام
رقيه ويونس ابتدوا يحكوا كل حاجه حصلت
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
بسنت بخضه : سليم رجع هو فين
والدتها بشك : مالك اتخضيتي كده ليه
بسنت بتوتر : ولا حاجه أنا بس اتفاجأت ط طب هو راح فين
والدتها بلامبالاه : حكيتله ال المحروسه رقيه عملته عشان يعقلها كويس ويعرفها تتعامل ازاى معاكى
بسنت بخوف وصدمه : قولتيله ايه ؟؟؟
والدتها : قولتله أنها بتقول عليكي انك ماشيه مع جوزها وكلام خايب وهو خرج متعصب اكيد راحلها
بسنت بخوف وتوتر من سليم : ليه قولتيله انتي عارفه سليم هيجي معاها ضدى وهيظلموني
والدتها : متخافيش محدش يقدر يعمل معاكي حاجه وانا موجوده
بسنت ابتسمت بتوتر بس كانت هتموت من الخوف
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
هاجر. عفيفي
يونس : هو ده كل ال حصل
سليم وقف بغضب وقال : انا هق"تلها واخلص منها ده ايه الغل والحقد ال عندها ده
رقيه وقفت ومسكت ايده بخوف وقالت : لاء ياسليم متعملش كده دي اختك
سليم بعصبيه : دى كانت عايزه تقت"لك
رقيه بحزن : ربنا كبير وهيجيبلى حقى انا واثقه لكن متوديش نفسك فى داهيه
سليم بغضب : عايز اعرف هي طالعه لمين البت دي
رقيه وجهت كلامها ليونس وقالت : ها بقا قولى ايه السبب ال بسنت بتكر"هني عشانه
يونس اتنهد وابتدى يحكي : قالتلى انك السبب فى إنها تكون مدمنه لمدة أربع شهور لما انتي اخدتى منها خطيبها وكنتي السبب فى أنه يمو"ت
رقيه وسليم بصدمه : نعمممم
يونس كمل كلامه وقال : قالت انك زمان زعلتى لما هى اتخطبت قبلك وفضلتى وراه لحد لما حبك انتي وبعدها خرجتي معاه يوم الحا"دث وساعتها هى كانت قاطعه سلك الفرامل ووهو وقتها صمم يركب معاكي عشان كده لما عملته حا"دثه كنتوا مع بعض هى كانت عايزاكى انتي ال تمو"تي مش خطيبها بس وقتها القدر كان ليه رأي تاني لما هو ما"ت أقنعت نفسها أن السبب فى موته انتي مش هى وساعتها قالتلكم انها مسافره والحقيقه أنها كانت بتتعالج من الادمان ولما جت قررت تنتقم منك وتدمرلك حياتك زي مانتي دمرتيها
رقيه دموعها نزلت بدون توقف وكانت منهاره ويونس وسليم كانوا واقفين قلبهم بيتقطع عشانها
يونس قرب منها وشدها حضنه وقال : أهدى ياحبيبتى عشان خاطرى
رقيه بشهقه : والله يايونس هي كدابه هي كدابه ياسليم متصدقهاش انا عمرى مابصيت لخطيبها ابدا هو ال كان بيحاول معايا ولما انا رفضته هددني أن يخلى بسنت تكر"هني روحت حذرتها منه بس هي وقتها هزقتني وقالت إن بكر"هها وان مبحبش ليها الخير لكن والله انا مكانش فى نيتي حاجه يوم الحاد"ثه بسنت كلمتني وقالتلى تعالي بسرعه انا تعبانه نزلت ركبت العربيه وكنت لسه هتحرك هو ركب معايا وفجأه عملنا الحادثه
كانت بتحكي وهي منهاره وسليم ويونس حضنوها بحب وحنان عشان يطمنوها
سليم بوعيد : حسابها تقل معايا اووى
يونس : ناوى على ايه
سليم : انت ال هتساعدني
يونس بتلقائية : وانا موافق
رقيه كانت نامت من كتر العياط فى حضن يونس
يونس : هدخلها على السرير واجيلك نتكلم
سليم : تمام
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
بسنت : ايوه يايونس عايز ايه تانى
يونس : عايز اقابلك ضرورى
بسنت باستغراب : ليه
يونس : ياريت بسرعه يابسنت موضوع خطير علينا كلنا
بسنت : تمام مسافة السكه
قفلت معاه ومسكت تلفونها وطلبت رقم الشخص
بسنت بخوف : انت متعرفش أن سليم رجع
الشخص ببرود : عرفت بس خلاص ال هيبوظلنا حياتنا خلصت منه
بسنت بخوف : ق قصدك ايه
الشخص : قطعت سلك الفرامل بتاع عربية يونس وهو خرج بيها دلوقتي زمانه بح
بسنت بصدمه : نعممممم
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
رقيه بقلق : انا خايفه على يونس اووى ياسليم قلبى مش مرتاح
سليم : إن شاء الله خير متقلقيش ياحبيبتى احنا بنعمل ده كله عشان نجيب حقك
رقيه بدموع : لو حد فيكم هيتأذى انا مش عايزه حقى يارب يايونس تكون بخير يارب
عند يونس كان سايق العربيه وهو فرحان إن حياته بقت شبهه طبيعيه تاني بعد لما بسنت تبعد عن حياتهم وكمان إن رقيه تسامحه ده مخليه اسعد واحد فى الدنيا فجاه الطريق قفل فجأه وهو حاول يدوس فرامل بس كانت سايبه اتخض وحاول يوقف العربيه ولكن للأسف معرفش وفجأه العربيه وخبطت فى الشاحنه واتقلبت
شكرا على التفاعل يابنات❤️ البارت السابع
رقيه بقلق : انا خايفه اووى على يونس كلمه ياسليم
سليم : حاضر حاضر
طلع تلفونه ورن عليه وفى شخص غريب رد على المكالمه
سليم بصدمه : حصل ازاى ده
رقيه بخضه وقلق : ايه ال حصل ياسليم يونس كويس صح
سليم قفل المكالمه وقال بحزن : يونس عمل حاد"ثه كبيره ودلوقتي حالته خطر
رقيه بصدمه وعدم استيعاب : انت بتهزر صح لاء لاء هو كويس مفيهوش حاجه رد عليا ياسليم هو كويس صح هو قال إن مش هيتأخر
سليم كان ساكت ورقيه عيطت بصوت قالت عالي وصراخ : يووووونس
فجأه وقعت وفقدت وعيها وسليم اتخض وشالها ونزل ركب العربيه وطلع على المستشفى ال فيها يونس
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
بسنت بغضب : انت غبى غبى اتسرعت ليه يونس كلمني النهارده وقالى أن عايز يقابلنى وصوته ندمان على ال عمله
الشخص بسخريه : وانتي صدقتى التمثيليه دي اكيد كانوا ناوين يغدروا بيكي
بسنت بعصبيه : اسكت بقى دلوقتي لو حد اكتشف أن الحاد"ثه مدبره رقيه ماهتصدق إنها تتهمني وسليم مش بعيد وقتها يقت"لنى
الشخص : مليش دعوه لده كله انا عملت ال عايزه انتي واحده خططك كلها فاشله زيك دلوقتي انا خلصت من يونس واقدر اخد رقيه وتكون ليا لوحدى وانتي بقا اتصرفى مع نفسك
بسنت بصدمه : معنى كلامك أن طلعت من كل ده ببلاش وانت ال كسبت
الشخص ببرود : الشاطر ال يضحك فى الاخر يابسنت
بسنت بغضب : عليا وعلى أعدائي مش هقع لوحدي يامازن وهقول لسليم أن أقرب صديق ليه ذو المبادئ والأخلاق هو ال كان السبب فى مو"ت خطيبته زمان وكمان دلوقتي عايز يدمر رقيه هقوله على كل حاجه وهفض"حك
مازن ضحك بسخريه وقال : اعملى كل ال عندك ميهمنيش انتي أو أخوكي
بسنت بشر : تمام يامازن تمام يا انا يا أنت
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
رقيه فاقت بصعوبه وقالت : ي يونس ا انت فين
سليم بحزن على أخته وهو عارف قد ايه هى بتعشق يونس مش بس بتحبه
سليم : رقيه حبيبتى انتي كويس
رقيه بدموع : فين يونس ياسليم طمني عليه هو كويس وانا كنت بحلم صح
سليم بحزن : لاء مش حلم يارقيه
رقيه بوجع : اه ياحبيبي هو كويس طيب اكيد فاق وديني ليه يلا ياسليم انت ساكت ليه اكيد هو محتاجنى جمبه اوووى دايما يقولى خليكي جمبي متسبنيش وانا مكنتش هسيبه والله
سليم كان ساكت تماما مبيردش
رقيه بدموع وصوت عالي : رددد عليا مبتردش عليا ليييييه يونس فيه ايييه
سليم قرب منها واخدها فى حضنه وقال بحزن : اهدى ياحبيبتى عشان خاطرى
رقيه رفعت عيونها ال كلها دموع وقالت : فين يونس قولى الصراحه ياسليم
سليم غمض عيونه وقال بحزن دفين : يونس دخل فى غيبوبه طويله وياعالم هتكون قد ايه لأن المخ استجابته ضعيفه
رقيه كانت مصدومه بس مسحت دموعها وقالت بإصرار : عايزه اروحله
سليم : بس
قاطعته رقيه برجاء وقالت : عشان خاطرى ياسليم عايزه أشوفه بالله عليك
سليم بقلة حيله : حاضر يارقيه هاخد أذن من الدكتور وهنعقمك وأدخلى
رقيه فرحت إنها هتشوفه
بعد وقت كانت رقيه قاعده جمب يونس ال كان نايم فى عالم تانى وكل الاجهزه محاطه بجسمه وكانت رأسه ملفوفه بشاش
رقيه مسكت ايده بدموع وقالت : تعرف إن بحبك صح طيب تعرف إن كنت بحبك من واحنا صغيرين بس ماما قالتلى إن حرام اقرب منك أو أحبك حتي بعدت خالص عنك وركزت فى حياتى بس كنت بتيجي فى بالي قربت من ربنا اكتر وحاولت اقتنع انك لو من نصيبى هنتجمع وفعلا ده ال حصل كان اسعد يوم فى حياتى يوم خطوبتنا ويوم كتب كتابنا لما اتكتبت على اسمك لما عرفت ان فى حاجه بينك وبين بسنت كنت مش مصدقه ان يونس ال حبيته طول عمري يعمل كده بس كان عندي يقين أن فى حاجه غلط عشان كده اتمسكت بيك ومسمحتش لاى حاجه تخرب حياتنا ولما عرفت منك الحقيقه صدقتك والله وكنا هنكمل مع بعض انا وانت قوم عشان خاطرى متسبنيش انا من غيرك امو"ت قوم عشانى يايونس قوم ليا
كانت بتتكلم وهى دموعها بتنزل زي المطر وهو كان نايم بدون استجابه خالص
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
هاجر عفيفي
فى الخارج
سليم كان قاعد حاطط ايده على وشه بحزن على الحاله ال وصل ليها اخواته وان مقدرش يحافظ على حد فيهم وافتكر خطيبته ال ما"تت من خمس سنين ومن وقتها وهو مقرر ميتجوزش افتكر موقف معاها
زينه بفرحه : اخيرا ياسليم هنتجوز
سليم بحب : هنتجوز وهنتجمع فى بيت واحد خلاص يلا بقا اجهزي عشان كتب الكتاب بليل
زينه بسعاده : حاضر طبعا ده اليوم المنتظر
رجع من تفكيره على صوت تلفونه مسح دمعه نزلت من عينه ورد على المتصل
سليم بلهفه : ها يامروان عرفت مين ال ورا الحادثه ال حصلت
مروان بحزن : فى خبر تانى عايزك تعرفه
سليم بقلق : خبر ايه ؟؟؟
مروان : مازن صاحبك اتق"تل وبسنت أختك اتقبض عليها بتهمة قت"له
سليم التلفون وقع منه بصدمه
شكرا على التفاعل يابنات❤️ البارت الثامن
رقيه بدموع : يونس هيفوق امتي يادكتور
الدكتور : للأسف الاستجابه للمخ قليله جدا بس احنا عندنا أمل طول مالقلب شغال والوظائف تمام
رقيه بدموع وحزن : وجودى معاه فى نفس المكان بيفرق صح
الدكتور : طبعا ده بيكون ليه تأثير كبير عليه أن هو بيبتدى يحس بيكى يحرك جزء من جسمه إن شاء الله خير
رقيه هزت راسها بشرود وسكتت
الدكتور : عن إذنك
رقيه : اتفضل
الدكتور مشى ورقيه طلعت تلفونها وطلبت رقم سليم ال اختفى فجأه
رقيه بحزن : ألو ياسليم انت فين
سليم بحزن : اسف أن سيببتك لوحدك بس كنت مضطر أمشى
رقيه بقلق : فى حاجه حصلت
سليم بوجع : اختك اتقبض عليها فى ق"تل صاحبي
رقيه بصدمه : ق"تل !!!! طب وبسنت مالها ومال صاحبك
سليم : معرفش انا رايح عندها دلوقتي وهفهم منها كل حاجه
رقيه بحزن : ماشى ياسليم طمني
سليم : ماشى خلى بالك من نفسك واجمدى كده يونس محتاجك
رقيه : حاضر
قفلت معاه ودخلت تانى ليونس
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
بسنت بسخريه : جاي ليه ؟؟ عشان تشمت فيا صح
سليم بغضب : انتى مجنونه هشمت فى اختى ال من دمى انا جاي اعرف انتي ايه علاقتك بمازن وليه انتي المتهمه فى قت"له
بسنت ضحكت بصوت عالى ادهش سليم وبعدين وقفت ضحك وقالت : قت"لته عشان يستاهل الق"تل عشان هو غدار غدر بيا بعدد لما ناولته كل حاجه
سليم بصدمه : قصدك ايه
بسنت بصوت عالى وهستير"يه : صاحبك وصديق عمرك المخلص هو ال كان السبب فى مو"ت خطيبتك هو ال حاول يعتدى عليها لحد لما جت تهرب وقعت من على السلم وماتت وهو برضوا ال اتجوزتى عرفى من وراك وهو ال دبر حاد"ثة يونس عشان يخطف رقيه ويتجوزها صاحبك كان يستاهل اكتر من الق"تل وعلى فكره انا شريكته فى كل حاجه ومش عايزاك اتصدم انا بكر"هك انت ورقيه اصلا وبتمني ليكم كل الشر وهو برضوا كان بيكر"هك
سليم من صدمته مكانش قادر يتكلم بس رفع ايده وضربها على وشها بكل غضب
بسنت بضحك : عادى متعوده
سليم اتكلم بغضب وعصبيه لأول مره : انتى مجنونه مفيش واحده عاقله تعمل ده كله بقا انتي السبب فى دمار حياتى انا واختك طيب صاحب عمرى وتوقعت منه الخيا"نه والغدر لكن انتي اختى من دمى ازاى تعملى فيا كده وانتي عارفه أن كان روحي فى زينه وأزاى تعملى فى أختك كده وانتي عارفه انها بتحب يونس انتى ايه الحقد ال جواكي ده خلاكي تنسى أهلك وكمان روحتي اتجوزتي من ورانا انتي عايزه الق"تل ولو كان مازن عايش وربى كنت قتل"ته بإيدى
بسنت بهستيريه : انت السبب
سليم بغضب : اخرررسى انا طول عمرى بعاملك انتي واختك زي بعض اشتغلت طول عمرى عشان اطلعكم احسن الناس وعمرى مافرقت بينكم ابدا فى المعامله ولما سافرت كان علشانكم انتي أكبر كسره فى حياتي كلها والله وندمان أن ضيعت عمرى عليكي مش هسامحك ابدا طول عمرى
قال كلامه وكان خارج من المكان بكل كسره فى قلبه بسبب أخته وصديق عمره
بسنت كانت بتضحك بهستيريه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
سليم بدموع : انتي السبب فى كل ال احنا فيه دلوقتي
والدته : انا ياسليم
سليم : اه يا أمى انتي طول عمرك فضلتى تدلعى فى بسنت وكنتي بتفضليها عليا انا ورقيه عمرك ماعملتينا حلو ابدا علطول بتيجي علينا لو كنتى تطولى انك تاخدي مننا كل حاجه و تديها لبسنت مكنتيش هتتأخرى
والدته بحزن : انا
قاطعها سليم وقال بتنهيده : خلاص يا أمي مفيش كلام تاني بسنت خلاص مستقبلها وحياتها ضاعوا وانا مش قادر ابص فى وشها حتي انا هروح اطمن على رقيه وجوزها يمكن هى ال بتحبنى بجد
قال كلامه وخرج من البيت ووالدته عيطت بندم وحزن
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
بعد أسبوع
رقيه كانت قاعده قدام يونس زي الايام ال فاتت
رقيه بدموع : وحشتنى قوم بقا عشان خاطرى عايزاك معايا والله
حست أن يونس ايده بتتحرك
رقيه بلهفه : انت اتحركت صح انا مش بتخيل
يونس حرك ايده تاني بالراحه رقيه خرجت بسرعه تنادى على الدكتور وخرجت وقفت مع سليم
رقيه بفرحه : يونس هيفوق ياسليم
سليم ضمها بابتسامه وقال : الحمد لله ياحبيبتى
الدكتور خرج وقال بابتسامه : الحمد لله المخ استجاب وهو بيبتدى يفوق على بليل هيكون فايق جدا إن شاء الله
رقيه وسليم شكروا الدكتور وكانوا فرحانين وبالفعل بليل كان يونس فاق واتنقل اوضه عاديه
رقيه بحب : حمد الله على سلامتك ياحبيبى
يونس بصدمه وتعب : بتكلميني انا ؟؟
رقيه بخجل : ايوه انت طبعا مش انت حبيبى وجوزى برضوا
يونس بفرحه : والله انا مش مصدق نفسى تعالى
فتح دراعاته بتعب ورقيه قربت عليه وهو ضمها بحب واشتياق
رقيه بدموع : والله وحشتنى اووى
يونس بغمزه : ده انا مش بحلم بقا
رقيه بخجل : بحبك
يونس : ابعدى يابنتي عني الله يخليكي انا تعبان
رقيه بضحك : حاضر
يونس بحب : بحبك
رقيه بتوتر : ممكن أسألك سؤال أخير
يونس بهدوء : اتفضلي ياحبيبتى
رقيه بتوتر : هو أنا لما سمعتك يعني بتقول لوالدتك أن بتحب بسنت ليه عملت كده
يونس : عشان بسنت كانت معايا على الفون وقتها وكانت عايزانى أسجلها أن بعترف بحبى ليها لأمى وانا كنت بسايسها
رقيه : اممم
يونس بمشاكسه : بنغير اهو
رقيه كانت هنتكلم بس قاطعها دخول سليم
سليم : حمد الله على سلامتك يا باشا
يونس بابتسامه : الله يسلمك ياسليم شكرا على وقفتك جمبى
سليم بابتسامه : مفيش شكر بين الاخوات
والدت رقيه دخلت وكانت محرجه منهم
والدة رقيه : حمد الله على السلامه يابنى
يونس : الله يسلمك يا أمى اومال فين ماما
رقيه : والدتك مسافره البلد واحنا مقولناش ليها عشان متتخضش
والدة رقيه : سامحوني ياولاد حقكم عليا انا غلطت فى حقكم كتير اووى
رقيه حضنت امها بدموع وقالت : مش زعلانه منك
سليم باس أيدها وقال : حقك انتي عليا انا كنت متعصب
والدتهم حضنتهم بحب وفرحه
رقيه قربت من يونس وقعدت جمبه وسليم اخد أمه وخرجوا
(بسنت طبعا دخلت المصلحه لأنها جالها حاله نفسيه سليم كان بيروح يطمن عليها من بعيد بس هو ورقيه مقدروش يسامحوها على كل كل ال سببته ليهم أذى)
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
بعد شهرين
رقيه بخبث : أجمل بابى عامل ايه
يونس وهو مشغول فى الاب توب قال : الحمد لله ياحبيبتى
رقيه زعلت عشان مخدش باله ولسه هتقوم وقفها صوت يونس
يونس بدهشه : استنى هو أنا سمعت صح
رقيه ضحكت بخبث : سمعت ايه
يونس : قولتى بابى
رقيه ضحكت بمشاكسه وقالت : امممم حاجه زى كده
يونس بفرحه حضنها وقال بهمس : انتى حامل
رقيه بسعاده : ايوه
يونس بحب : أنا فرحان اووى إنك معايا وفى حضنى وكمان طفلنا هينور حياتنا عايزك تسامحينى على كل ال حصل
رقيه بابتسامه : انا نسيت كل حاجه اصلا
يونس : بحبك♥️
رقيه بمشاكسه : وانا كمان♥️
تمت بحمد الله💚
يارب تكون نهايه خفيفه وعجبتكم ♥️
متنسوش ذكر الله 💙
خدعه_مقربه
بقلمى هاجر_العفيفى
دمتم في حفظ الرحمن 💚
Comments
Post a Comment